Enter email addressInvalid email!

د ربا (سود) له مال سره باید څه وکړو؟
عطاء بن خلیل ابو الرشته | October 22, 2014

د ربا (سود) له مال سره باید څه وکړو؟

پوښتنه او ځواب


پوښتنه:

ښاغلی امیر صاحب! هیله لرم چې د الله ج په پناه کې به وې!

السلام علیکم ورحمة الله و برکاته!

یو چا په یوه سودي بانک کې خپل حساب پرانیست او یو څه وخت وروسته پوه شو چې په بانکي حساب کې یې ګټه زیاته شوې ده، ټول پوهیږو چې الله سبحانه وتعالی په خپل کتاب کې داسې فرمایی:

 

"... وَإِنْ تُبْتُمْ فَلَكُمْ رُءُوسُ أَمْوَالِكُمْ لَاتَظْلِمُونَ وَلَا تُظْلَمُونَ"

که توبه وباسی، نو اصلي سرمایه مو ستاسو ده، مه ظلم کوئ او مه ظلم منئ

[بقره 279]

 

ځینې معاصرو عالمانو او لویانو د داسې مال د اخیستو اجازه ورکړې ده او د دې سپارښتنه یې کړې ده چې بانک ته دا مال مه پرېږدئ، ځکه چې د مال پرېښودل د بانک سره په حرامه کړنه کې مرسته کول دي او له بانک سره د سود د مال په پرېښودلو سره مو بل حرام عمل وکړ. اوس پوښتنه داده چې د سود له دې مال سره باید څه وکړو؟ آیا په دې مال باندې موږ کولی شو چې خپل قرض اداء کړو او یا یې هم بې وزله او فقیرانو ته ورکړو؟ او بې وزلو ته یې په ورکولو سره  دا کس د اجر او ثواب مستحق کېدای شي؟ هیله ده دې پوښتنې ته ځواب راکړئ. الله ج دې تاسو ته خیر درکړي او قدمونه مو الله ج ثابت او ټینګ وساته.

 

ځواب:

وعلیکم السلام ور حمة الله  برکاته!

مخکې له دې چې دې پوښتنې ته مو ځواب درکړم چې د سود له مال سره باید څه وکړئ، باید دا ووایم چې هغه څوک چې د بانک سودي معامله سرته رسوي، په دې مکلف دی چې ژر خپله معامله پای ته ورسوي او د دې کار له امله الله ج ته توبه وباسي. الله ج وایي:

 

"يَا أَيُّهَا الَّذِينَ آمَنُوا تُوبُوا إِلَى اللَّهِ تَوْبَةً نَصُوحًا...."

اې هغو کسانو چې ایمان مو راوړی دی! الله ج ته د نصوحا توبه وباسی

تحریم: ۸ ایه

 

همدارنګه فرمایي:

 

"إِلَّا الَّذِينَ تَابُوا وَأَصْلَحُوا وَاعْتَصَمُوا بِاللَّهِ وَأَخْلَصُوا دِينَهُمْ لِلَّهِ فَأُولَئِكَ مَعَ الْمُؤْمِنِينَ وَسَوْفَ يُؤْتِ اللَّهُ الْمُؤْمِنِينَ أَجْرًا عَظِيمًا"

"مګر هغه چا چې توبه وکړه او خپل ځان یې اصلاح کړ او پر الله یې تمسک وکړ او خپل دین یې د الله ج له پاره خالص کړ، نو دوی به له مومنانو سره وي او ډېر ژر به الله ج ورته لوی اجر ورکړي"

[نساء 146]

 

همدارنګه ترمذی له انس رض څخه روایت کړی چې رسول الله ص وفرمایل:

 

"كُلُّ ابْنِ آدَمَ خَطَّاءٌ وَخَيْرُ الخَطَّائِينَ التَّوَّابُونَ"

د آدم ټول زامن خطا‌ء کوونکي دي او تر ټولو ښه خطاء کوونکی هغه دی چې بیرته توبه وباسي.

 

د دې له پاره چې توبه سمه وي او الله ج د توبه کوونکي توبه قبوله کړي او ګناه یې وبښي، نو باید دا کس لومړی له ګناه لاس واخلي او له خپلې پخوانۍ ګناه پښېمانه شي او وروسته کلکه پرېکړه وکړي چې بیا به کله هم ګناه ونه کړي. که هغه ګناه داسې وه چې د چا مال یې په کې خوړلی او یا یې غصب کړی و، نو په دې حالت کې مکلف دی چې د خوړل شوی یا غصب شوی مال یې بېرته څښتن ته وسپاري او له هغه څخه بښنه وغواړي.

 

مسلمان مکلف دی چې خپله اشتباه په شرعي توګه جبران کړي، خپل ځان د حرامې ګټې له شره وژغوري، ځکه چې حرامه ګټه ناوړه پایله لري. احمد له عبدالله ابن مسعود څخه روایت کړی چې رسول الله ص وفرمایل:

 

"...وَلَا يَكْسِبُ عَبْدٌ مَالًا مِنْ حَرَامٍ... إِلَّا كَانَ زَادَهُ إِلَى النَّارِ"

او چا چې په حرامه توګه مال لاسته راوړ ... نو دا مال به یې اور ته نېږدې کړي

 

همدارنګه ترمذي له کعب بن عجرة څخه روایت کړی دی چې رسول الله ص ورته داسې وویل:

 

"يَا كَعْبَ بْنَ عُجْرَةَ، إِنَّهُ لَا يَرْبُو لَحْمٌ نَبَتَ مِنْ سُحْتٍ إِلَّا كَانَتِ النَّارُ أَوْلَى بِهِ"

اې کعبه بن عجرة! د انسان په بدن کې چې هره ټوټه غوښه له حرام مال څخه جوړه شوې وي، هغه به په اور کې سوځي.

 

او هغه مال چې په سودي بانک کې په اصلي پانګه ور زیات شوی دی او دا چې څنګه ځان ترې خلاص کړو؛ باید داسې ځواب درکړم:

 

 1.   که د بانک مسؤلینو ته ووایاست چې زه پرته له ګټې خپله پانګه غواړم او د بانک قوانین هم هغه ته اجازه ورکوي، نو په دې حالت کې خپله اصلي پانګه واخلئ.


2.    که د بانک قوانینو دا ډول اجازه نه ورکوله او سړی په دې مکلفوي چې له خپلې اصلي پانګې سره یو ځای سودي مال هم واخلي او که داسې ونه کړي خپله اصلي پانګه یې نه ورکول کېږي، نو بیا دې خپله اصلي پانګه او سودي مال هم واخلي او بیا باید د سود مال له خپله ځانه لرې کړي. د بېلګې په توګه هغه دې په پټه توګه خیریه مرکزونو ته ورکړي، پرته له دې چې څوګ ګومان وکړي چې نوموړي صدقه ورکړې، ځکه دا مال حرام دی او موخه دا ده چې هغه مال له ځان څخه لرې کړي. همدارنګه کولی چې دا مال کوم بې وزله او یا کوم مسجد ته ورکړي، پرته له دې چې د نوموړي هویت وپېژندل شي او ګومان وکړي چې هغه مال صدقه دی.


3.    خو دا چې په خیریه چارو کې د داسې مال په مصرفولو سره نوموړی کس د ثواب مستحق ګرځي او که نه؟ باید وویل شي چې نه! ځکه د حرام مال صدقه کول ثواب نه لري. په داسې حال کې چې نوموړي کس حلال مال نه دی صدقه کړی تر څو اجر ورکړل شي. خو هیله ده چې الله ج د نوموړي په دې کار سره چې سودي معامله پای ته رسوي اجر او ثواب ورکړي، ځکه الله ج د خپلو بندګانو توبه مني او د نیک عمل بدله یې کله هم له منځه نه وړي.

 

ستاسو ورور عطاء بن خلیل ابو الرشته

۱۴۳۵ هـ ق د جمادی الاول ۲۸ مه

۲۰۱۴/۰۳/۲۹

ژباړه: الهام


PDF Print Email
Views [ 1915 ]
نظر
 
اسم : اسم تانرا داخل نمایید
ایمیل : ایمیل آدرس تان را داخل کنیدایمیل آدرس تان اشتباه است
نظر :  نظر تان را داخل نماییدتعداد حروف از اندازه تعیین شده زیاد است
کود : A value is required.Invalid Security code.
  8567343
همچنان ...
له هغه چا نه پور اخیستل چې حلال او حرامو ته ژمن نه وي
۲. د غلا او غصب مال: دا کار پر غله او غاصب حرام دی. د هغه ډالۍ کول، پور اخیستل، پېر او پلور يې ډالۍ اخیستونکي، پلورونکي، پېرودونکي، پور اخیستونکي ته حرام او هر ډول معامله يې ناروا ده؛ ځکه دا مال یې د ...
حکم تصویربرداری در اسلام
این دو پرسش مربوط به ترسیم اشیای ذیروح یا اصلاح و دست کاری تصاویر اشیای ذیروح با دست؛ مانند دور کردن چین و چروک صورت، تغییر بعضی خصوصیات چهره و... بر می گردد، و حکم تحریم وارد شده در ادله شرعی بر این ...
د بازار موندنې له ډله ییزو او شبکه يي شرکتونو سره د کار حکم
لومړی: دا ډول شرکتونه د خپلو ځانګړو توکو د پېر لپاره، داسې بازارموندنه کوي، چې په لومړي ګام کې پر خپلو بازار موندونکو داسې شرط ږدي، چې دوی خپله یو ځانګړی توکي واخلي، وروسته د دلالۍ اجازه ورکوي، چې نور...
قرض گرفتن از کسی‏که پابند به حلال و حرام نباشد
3) مال که ذاتاً مباح است: مانند پول طلا، نقره و پول کاغذی. اما صاحب آن بر اساس معاملات حرام کسب نماید مانند مال ربا(سود)، مال قمار و مال شرکت‏های سهامی و قرعه کشی وغیره فقط بر کاسب آن حرام می‏باشد و ک...

موضوعات جدید ...

په افغانستان کې د کم عمرو ودونه که په امریکا کې د ماشومانو ځانپلورنه! په افغانستان کې د کم عمرو...
د افغانستان دولت هڅه کوي چې یو ځل بیا له افغان مېرمنو غلا شوې خوښۍ داسې ورکړي، لکه دو...
د امریکا متحده ایالات به د شمالي کوریا ...
له کابل څخه د ایران د بهرنیو چارو وزیر د...
ترکیه پس از نظام ریاستی به کدام سو تحول ...

نشرات جدید ...

ماهنامه تغییر - شماره هشتم
ماهنامه تغییر - شماره هشت...
ماهنامه تغییر - شماره هشتم ماهنامه تغییر به مسایل داغ سیاسی، فرهنگی و اجتماعی به سطح جهان و منطقه پرداخته و شما هم با استفاده از آن در نشر و بخش هر چه...
ځانګړی رپوټ: په سوریه کې د ترکیې نظامي م...
گزارش ویژه: بررسی مداخله نظامی ترکیه در ...
ماهنامه تغییر - شماره هفتم...
ماهنامه تغییر - شماره پنجم و ششم...

پر بیننده ترین ها ...

اگر اوباما اردوغان را در باره ی حزب کارگر کردستان فریب داد؛ پس امت اسلامی را چه کسی فریب می دهد؟
اگر اوباما اردوغان را در ...
این اظهارات اردوغان که پس از سه روز از موفقیت اش در همه پرسی تعدیل قانون اساسی و اعطا...
رادیکالیزم؛ طرح سرمایه داری به منظور جنگ...
افزایش تنش ها میان امریکا و کوریای شمالی...
مبارزه میان امریکا و انگلیس در قبال بهتر...
ترکیه پس از نظام ریاستی به کدام سو تحول ...