Enter email addressInvalid email!
  دفتر مطبوعاتی
حزب التحریر
۱۴۳۸ د ربیع الاول ۱۷مه ۲۰۱۶ز د ډیسمبر ۱۶ مه

مطبوعاتی اعلامیه

د پاکستان د پوځ نوي مشر ته پرانیستی لیک

السلام علیکم ورحمه الله وبرکاته!

دا چې تا پر له پسې د برید جنرالۍ، تورن جنرالۍ او ډګرجنرالۍ ترفیعاتي رتبې ترلاسه کړې او اوس دا دی د لوی درستیز مقام ته ورسېدې. موږ ټول تا ته د پاکستان د وسله والو ځواکونو د نوي پوځي قومندان په توګه مخاطب کوو. د پاکستان وسله وال ځواک د نړۍ یو له غوره پوځي ځواکونو څخه شمېرل کيږي. په دې کې شک نشته چې زموږ په دین کې پوځي قومندان یوه ستره دنده پر غاړه لري، خو تر څنګ يې دغه مقام د ډېر اجر د لاس ته راوړلو لپاره ستره سرچينه هم ده. رسول الله صلی الله علیه وسلم پخپله پوځي قوماندان و. هغه د ربیع الاول پر ۱۲ مه مدینې ته هجرت وکړ، په داسې حال کې چې لا له مخکې يې له انصارو څخه د امن او نصرت(مادي ملاتړ) درلود.

په دې توګه، رسول الله صلی الله علیه وسلم ستاسو لپاره د پوځي قومندې یوه ځلانده بېلګه او نمونه ده. نو مسلمانان به له دښمنانو څخه ژغورې او له ټول بشریت څخه مخکې به د الله سبحانه وتعالی ستر حکم پلی کوې.

موږ تاسو ته هغه ستره ننګونه چې نن ورځ ورسره مخ یاست، در په ګوته کوو. تاسو له امریکا سره تړون لرئ، نو باید پرېکون ورسره اعلان کړئ. که چېرې غواړئ چې تاسو د هندوستان د سیمه ییزې ربړونې پر ضد، د يو ځواک په توګه را څرګند شئ، نو لومړی بايد له امریکا سره خپل تړون لغوه کړئ، ځکه چې دغه تړون همېشه ستاسو د ضعف لامل شوی او نور مو هم کمزوري کوي.

د جنرال مشرف د واکمنۍ پر مهال، متحده ایالتونو د دې تړون له لارې له استخباراتو، اډو او زموږ د وسله والو ځواکونو له هوايي دهلیزونو څخه، پر افغانستان باندې د یرغل لپاره د لومړي ځای په توګه ګټه واخیسته.

وروسته بيا، متحده ایالتونو په چټکۍ سره د افغانستان دروازې د هند پر مخ پرانيستې او دوی ته يې د اوسېدو غیر رسمي زمینه برابره کړه، تر څو د هند دولت وکولی شي، له پاکستان څخه د بې ثباتۍ مرکز جوړ کړي او زموږ په ټوله خاوره کې د ګډوډۍ او فتنو اور بل کړي. پاکستان په ټينګه له متحده ایالتونو سره متحد شو، جنرال مشرف د امریکا په غوښتنه په کشمېر کې له ترهګرۍ سره جهاد اعلان کړ، چې په حقيقت کې دا چاره له هندوستان سره ستره مرسته کول و. خو د هندوستان ډارن ځواکونه د کوچنیو وسلوالو ډلګیو له خوا ولړزول شول او لا تر اوسه پورې په پراخ ډول د مسلمانانو له خوا اغېزمن کېږي.

بیا د جنرال کياني په دوره کې د تړون څخه په ګټي اخستني سره، واشنګټن په دې ډاډه شو چې پاکستان په پراخه کچه لویديځو سرحدونو ته زموږ ځواکونو ولېږل. دا د امریکا غوښتنه وه چې نه یواځې له هند سره يې په ختيځو سرحدونو کې یوه لویه مرسته وکړه، بلکې تر دې زیات يې هندوستان ته د سيمه ییزو سترو هیلو(سیاسي موخو لاس ته راوړلو) انګېزه ورکړه. دا چې امریکا او هندوستان په افغانستان کې شتون لاره، نو امنیتي دلایلو ته په کتنې سره يې د پاکستان د وسلوالو ځواکونو رول راکم کړ.

بیا د جنرال راحیل په دوره کې د تړون څخه په ګټې اخستني سره، واشنګټن  هندوستان ډاډه کړ او مرسته يې ورسره نوره هم زیاته کړه چې د اسلام د اجباري ځپني په موخه يې د ”افراطیت سره د مبارزې“ تر نامه لاندې پر مسلمانانو جګړه و تپله. د کشمیر د مقاومت کوونکو مسلمانانو پر وړاندې یې ”په سرحدونو کې د ترهګرۍ د پای ته رسولو“ تر نامه لاندې د مسلمانانو ځپل پیل کړل. همدا راز يې”له ځان څخه دفاع“ تر نامه لاندې هند ته زموږ پر ختيځو پولو باندې د تېري کولو فرصت ورکړ.

اوس که له متحده ایالاتو سره د جنرال باجوه تړون د پخوا په څېردوام وکړي، نو د امريکا د منځګړيتوب او مداخلې په پايله کې به پاکستان د هندوستان پر وړاندې تیت و پرک شي او هغه هیلې چې د کشمیر د بشپړې ازادۍ او د پاکستان سره د یوځای کېدو غوښتنه يې کېږي، د تل لپاره به تر خاورو لاندې شي. دا د امریکا دسیسه ده چې د ګډو وډو دیپلوماتیکو خبرو له لارې، د هند له بريا سره مرسته کوي، خو دا خبرې به هيڅکله ونه شي کولی چې د جګړي په ډګر کې د دوی (هند) د امنيت تضمين وکړي. د اړیکو د بیا عادي کولو لپاره، دا د امریکا غوښتنه ده چې هر کله که پاکستان، هندوستان ته د یو خنډ او واکمن سیمه یز ځواک په توګه را څرګند شي، دوی(امریکایان) به يې له صحنې څخه وباسي، ان تر دې چې اوس مو په خپله توره له اټومي وسلو څخه بې وسلي کوي.

درنو پوځي قوماندانانو!

امریکا د مسلمانانو ښکاره او کافر دښمن دی. په ختيځ کې له یو هندو دولت او لویدیځ کې له يهودي دولت څخه د دوی ملاتړ، د دوی د دښمنۍ څرګند مثال دی. پر افغانستان، عراق او سوریه باندې تېری د دوی دښمني په ډاګه کوي. اسلام د هغو دښمنو ځواکونو سره له تړنونو څخه منعه کړې ده چې د مسلمانانو پر وړاندې جګړه کوي، ځمکې مو اشغالوي او یوازې د راپرځېدنې غوښتنه مو لري.

په دې اړه الله سبحانه و تعالی فرمايې:                                                        

يَا أَيُّهَا الَّذِينَ آَمَنُوا لاَ تَتَّخِذُوا عَدُوِّي وَعَدُوَّكُمْ أَوْلِيَاءَ تُلْقُونَ إِلَيْهِمْ بِالْمَوَدَّةِ وَقَدْ كَفَرُوا بِمَا جَاءَكُمْ مِنَ الْحَقِّ (الممتحنه:۱)

اې مومنانو؛ تاسو زما او خپل دښمنان په دوستۍ مه نیسئ، تاسو له هغوی سره د محبت څرګندونه کوئ په داسې حال کې چې هغوی پر هغه حق دين باندې کافر شوي دي چې تاسو ته راغلی دی.

موږ تاسو ته ډاډ درکوو چې تاسو نه يواځې دا چې له واشنګټن سره د تړون د پای ته رسولو وس لرئ، بلکه داسې حالت رارسېدلی چې په بشپړه توګه ورسره پرېکون اعلان کړئ.

درنو قوماندانانو!

د امریکا د متحده ایالتونو کمزورتيا په پام کې ونیسئ. له پوځي پلوه، د دوی د ځواکونو بې زړه توب د هغوی پرمختللې وسلې شلې (فلج) کړې دي. په افغانستان کې  یوه کمزوري وسلوال قومي ګروپ دوی ځپلي دي، ان تر دې چې دې ته يې اړيستلي چې زموږ پر وسله والو ځواکونو تکيه وکړي. له اقتصادي پلوه، د پانګوالو ډېر حرص د دې لامل شوی چې خپله همېشنۍ پاملرنه يواځې شتمنۍ ته واړوي، تر څو شتمني يوازې د څو محدودو کسانو په لاس کې ولويږي چې دا چاره يې د اقتصادي سقوط سبب شوې ده. له سیاسي پلوه هم، د دوی مقام او شهرت د خرابۍ خوا ته روان دی، تر دې بریده چې اوس په وحشي ډول په پرديو هيوادونو کې مادي سرچينې څاري او پر وړاندې يې سخت نفرت لري، دا کار نه یوازې په اسلامي نړۍ کې، بلکې له اسلامي نړۍ بهر يې هم کوي.

د امت پر وړاندې د اوسنيو ظالمو چارواکو د سختو ځورونو سره سره، بیا هم زموږ امت ماتې نه ده خوړلې، ځکه چې دوی اسلام ته ژمن رالوی شوي دي. د امت لخوا د استعمار او دیموکراسۍ د ردولو غوښتنه له پخوا څخه لا پياوړې شوې ده، ځکه نو امت د اسلامي احکامو د پلي کېدو او پر نبوي منهج د خلافت د رامنځ ته کېدو غوښتنه لري. په دې توګه به اسلامي امت ستاسو زړور ګام ته هر کلی ووايي، ستاسو اقدام به وستايي او له تاسو څخه به بشپړ ملاتړ وکړي.

دا هم په پام کې ونیسئ چې حزب التحریر د خپل امیر، شیخ عطا بن خلیل ابو الرشته تر رهبری لاندې، په بشپړه توګه د اسلام د پلي کېدو لپاره چمتو دی. نوموړی حزب د لوی شمېر داسې وړ سياستوالو اداره پر غاړه لري چې نفوذ يې په ختيځ کې تر اندونيزيا او لوديځ کې تر مراکش پورې رسيږي. دوی شپه او ورځ نه ستړی کېدونکی کار کوي، سره له دې چې د ظالمانو لخوا، له بندې کېدو، تښتولو، شکنجو او ډول ډول ځوريدنو سره مخ دي. کله چې  ستاسو په لاس خلافت رامنځ ته شي، دوی به د خپلې ژمنې له مخې چې له الله سبحانه و تعالی او د هغه له رسول سره يې کړې، لا په چټکۍ سره خپل کار ته دوام ورکوي، تر څو په نړۍ کې د اوسنيو مسلمانو خاور یووالی، د یو واحد باوري دولت په توګه ډاډمن کړي.

د پورته ټولو ټکو په پام کې نیولو سره، کله چې تاسو د اسلام بشپړ ملاتړ او د الله سبحانه و تعالی حکمونو ته غاړه کېږدئ، نو د الله سبحانه و تعالی مرسته به مو په برخه شي. تاريخ د دې شاهد دی چې مسلمانو پوځي قوماندانانو د الله سبحانه و تعالی له مرستې څخه د پیاوړې وسلې په توګه کار اخیست او د خپل دښمن پر وړاندې به يې چې د دوی په نسبت به يې ښه تجهيزات او امکانات درلودل، بری تر لاسه کاوه. چې مثالونه يې د خالد بن ولید رضی الله تعالی عنه له بریاوو څخه نیولي، بیا تر صلاح الدین ايوبي، محمد بن قاسم ... پورې ډېر دي. اوس تاسو هم د اسلام د ریښتينو پوځي قوماندانانو پر پله باندې پل کېږدئ، د خلافت بیا راتګ ته نصرت(مرسته) ورکړئ او په یاد ولرئ چې د عزت او بري پر لور به له الله سبحانه و تعالی پرته بل څوک ستاسو مرستندوی نه وي.

الله سبحانه و تعالی فرمايې:

(إِنْ يَنْصُرْكُمُ اللَّهُ فَلَا غَالِبَ لَكُمْ وَإِنْ يَخْذُلْكُمْ فَمَنْ ذَا الَّذِي يَنْصُرُكُمْ مِنْ بَعْدِهِ وَعَلَى اللَّهِ فَلْيَتَوَكَّلِ الْمُؤْمِنُونَ) (ال عمران: ۱۶۰)

که الله درسره مرسته وکړي هيڅوک به درباندې لاس بري نه شي او که دی مو خوار کړي (پر خپل حال مو پريږدي او مرسته درسره ونه کړي)نو له ده څخه پرته بل څوک شته چې مرسته مو وکړي؟ نو مومنان دې يواځې پر الله سبحانه و تعالی توکل وکړي.

حزب التحریر ولاية پاکستان مطبوعاتي دفتر

ژباړه: خبيب


PDF Print Email
Views [ 721 ]
نظر
 
اسم : اسم تانرا داخل نمایید
ایمیل : ایمیل آدرس تان را داخل کنیدایمیل آدرس تان اشتباه است
نظر :  نظر تان را داخل نماییدتعداد حروف از اندازه تعیین شده زیاد است
کود : A value is required.Invalid Security code.
  8567343
همچنان ...
آزادی کامل فلسطین، راه‎حل اسلامی برای قدس می‎باشد
اشک‎های تمساح، تظاهرات ضعیف رژیم‎های عرب و گروه‎های فلسطینی نیم قرن خیانت را تلافی نخواهند کرد. همان‎طور که ترامپ رئیس جمهور امریکا اولاً تهدید کرد و سپس در واقع اعلام کرد که زمان آن فرا رسیده است تا ...
حزب التحریر- ولایه پاکستان، در مخالقت با دیدار اخیر جمیز متیس تظاهراتی را به راه انداخت
حزب التحریر-ولایه پاکستان تظاهراتی را در سراسر این کشور در مخالفت با دیدار اخیر وزیر دفاع امریکا(جیمز متیس)، به راه انداخت. تظاهر کننده‎گان شعارهایی؛ هم‎چون: "دیدار وزیر دفاع بخاطر بقای لشکر صلیبی در ...
سوق دادن ارتش جهت آزادی بیت المقدس و ریشه‎کن کردن نهاد یهودی، تنها واکنش مناسب برعلیه ترامپ است
روز چهار شنبه مؤرخ ۶ دسمبر ۲۰۱۷م، ترامپ رییس جمهور امریکا اعلان کرد که بیت المقدس پایتخت نهاد یهودی است و طرح انتقال سفارت امریکا به بیت المقدس در حال بررسی قرار دارد. از سوی دیگر، محمود عباس رئیس مقا...
پیام ربیع الاول؛ حمایت از ختم رسالت پیامبر صلی الله علیه وسلم و ضرورت به تأسیس خلافت بر منهج نبوت را نشان می‎دهد
علی‎رغم تلاش‎های ذلت‎بار حکام پاکستان برای تضعیف ختم نبوت در خصوص خوش‎ساختن باداران خارجی‎شان، ماه ربیع الاول در پاکستان چراغ‎هایی را به سبب سخنرانی‎ها در مورد زندگی رسول الله صلی الله علیه وسلم بر اف...

موضوعات جدید ...

ټرمپ په امریکا کې له کډوالو څخه وېره لري، چېرته چې ښوونکي د مسلمانو نجونو له سرونو څخه حجاب لرې کوي! ټرمپ په امریکا کې له کډوا...
همدا راز دغې زده کوونکې په خپله ټوېټر پاڼه کې زیاته کړې، چې دا له خپلې يوې ملګرې سره...
اې د اسلامي امت پوځونو! قدس د اسلامي خلا...
الله سبحانه و تعالی اسلام د حاکمیت لپاره...
د مسلمانانو اسلامي ژوند په خطر کې دی، نه...

نشرات جدید ...

ماهنامه تغییر - شماره هشتم
ماهنامه تغییر - شماره هشت...
ماهنامه تغییر - شماره هشتم ماهنامه تغییر به مسایل داغ سیاسی، فرهنگی و اجتماعی به سطح جهان و منطقه پرداخته و شما هم با استفاده از آن در نشر و بخش هر چه...
ځانګړی رپوټ: په سوریه کې د ترکیې نظامي م...
گزارش ویژه: بررسی مداخله نظامی ترکیه در ...
ماهنامه تغییر - شماره هفتم...
ماهنامه تغییر - شماره پنجم و ششم...

پر بیننده ترین ها ...

تاجکستان دولت خپلو هغو پوله ساتو ته چې د افغانستان اوسېدونکي وژني، ترفیع ورکوي
تاجکستان دولت خپلو هغو پو...
د تاجکستان پوله ساتو ځواکونو د افغانستان دوه تنه اوسېدونکي د بدخشان ولایت په اسکشمین ...
زندگی اسلامی مسلمانان در خطر است، نه اسل...
ابتلاء در نعمت و تنگ‌دستی...
د مسلمانوژنې روانه لړۍ دا ډول پای ته ورس...
نظری گذرا بر انقلاب‎های جهان عرب علیه حک...