مهم

باید دانست: دموکراسی و دیکتاتوری دو روی یک سکه اند!

Enter email addressInvalid email!

ټرمپ په امریکا کې له کډوالو څخه وېره لري، چېرته چې ښوونکي د مسلمانو نجونو له سرونو څخه حجاب لرې کوي!
سوريا امال یسنا | December 10, 2017

ټرمپ په امریکا کې له کډوالو څخه وېره لري، چېرته چې ښوونکي د مسلمانو نجونو له سرونو څخه حجاب لرې کوي!

خبر:

د ویرجينیا ايالت په يوه ښوونځي کې يو ښوونکی ځکه له خپلې دندې رخصت شو، چې د يوه زده کوونکې له سر څخه يې حجاب لرې کړ. د چهارشنبې په ورځ زده کوونکې له پېښې وروسته په خپله ټوېټر پاڼه کې لیکلي: « یوه ښوونکي مې له سره هغه حجاب لرې کړ، چې عزت  او پت مې پکې خوندي و.»

همدا راز دغې زده کوونکې په خپله ټوېټر پاڼه  کې زیاته کړې، چې دا له خپلې يوې ملګرې سره په خبرو بوخته وه، چې ښوونکي یې د شا له خوا څخه حجاب پورته کړ او د زده کونکې په غبرګون کې ښوونکي وویل: « ستا ویښتان ډېر ښکلي دي». د فیرفاکس کونټي دولتي ښوونځي FCPS)) په یوه بیانیه کې ویلي: « دغه یوه نامناسبه او د نه منلو وړ پېښه ده». د ښوونځي چارواکو دغه پېښه ډېره جدي ګڼلې او د پېښې په اړه نورې څېړنې هم کوي او ښوونکی يې رخصت کړی دی. د امريکا د اسلامي اړيکو شورا (CAIR)  د زده کوونکې د ټوېټر پاڼې  وينا تايید کړې او ویلي یې دي: « موږ د ښوونځي پرېکړې ته درناوی کوو، چې ښوونکی یې رخصت کړی، د زده کوونکې او د هغې له کورنۍ څخه په کې د بخښنې غوښتنه شوې، خو د دغې خواشینوونکې پېښې په اړه د څېړنو تر څنګ بلې سزا ته هم اړتیا شته».  د امریکا د اسلامي اړېکو د شورا اجرایوي مشر نهاد اواد زیاته کړه: « پر هر زده کونکي  باندې باید له ملنډې وهلو او برید کولو څخه ډډه وشي، که په هرې عقیدې پورې تړلی وي. ښوونکي باید زده کوونکي له ګواښلو او ربړولو څخه وژغوري ».

تبصره:

په امریکا کې د ولسمشریزو ټاکنو پر مهال ټرمپ د ټولنې ټولو وګړو او ان ښوونکو ته اجازه ورکړه، چې د اسلام، مسلمانانو او ان د مسلمانو نجونو پر وړاندې له کرکې او زور زیاتي څخه ډکه لاره غوره کړي. په دیموکراتیکو ټولنو کې په ځانګړې توګه په امریکا متحده ایالتونو کې اسلامي مفکورې ته د لیونۍ، سختدریځۍ او نه منونکې مفکورې په سترګه کتل کېږي. د امریکا د ملي امنیت څارګرې ادارې( FBI ) په کلني راپور کې د کرکې زېږوونکو جرمونو په اړه راغلي، چې ۶۱۲۱ د کرکې وړ جرمي پېښې په تېر کال کې ثبت شوي دي، چې پکې د ۲۰۱۵م په پرتله په سلو کې پنځه سلنه او د ۲۰۱۴م په پرتله په سلو کې لس سلنه زیاتوالی ښيي. د مسلمانانو پر وړاندې د مذهبي تاوتریخوالي ۳۰۷ جرمي پېښې تر سره شوي، چې پکې د ۲۰۱۵م په پرتله ۱۹سلنه او د ۲۰۱۴م په پرتله دوه برابره زیاتوالی راغلی. 

 په دغه راپور کې د دغه راز پېښو د زیاتوالي لامل نه دی په ډاګه شوی. خو په حقیقت کې ديموکراتیک سياسي نظامونه، رسنۍ او  د دوی ښوونکي د کرکجنو جرمونو د زياتوالي لامل دي. دوی په منظم ډول د سیاسي خبرو اترو له لارې د تعصب او کرکې اور بلولو ته لمن وهي، ترڅو په دې لاره کې اسلام او مسلمانان د یوې وسیلې په توګه قرباني، د پانګوال دیموکراتیک نظام ناکامۍ پټې او مسولیتونه ادا کړي. د پانګوال نظام له ناکامیو څخه دا دي، چې لوبغاړي یې په لوبغالي کې پر مسلمانو زده کوونکو بریدونه کوي او اوس یې ښوونکي له مسلمانو نجونو څخه حجاب لرې کوي.

د روان میلادي کال د مې په میاشت کې، د برانکس په دولتي  ښوونځي کې (Bronx Public School 76 ) له صفا الذوکرې سره د ناوړه چلند په اړه راپورونه خپاره شوي: له اته کلنې صفا الذکورې څخه ۳۱ کلن قراردادي ښوونکي ) Oghenetega Edah ) د حجاب لرې کولو غوښتنه وکړه، خو صفا ونه منلو او ښوونکي پخپله د هغې له سره حجاب لرې کړ. د پولیسو په وینا، د صفا له سره پوړنی پرمخ راکش شوی او ښۍ سترګه یې ژوبله شوې. د صفا پلار محمد الذکوري له یمن څخه راغلی کډوال دی او کله چې په ښوونخي کې یې له لور سره د شوې پېښې په اړه خبر شو، ډېر وځورېد او  زیاته یې کړه: « ما د دې تمه نه درلوده، چې یو ښوونکی دې له یو ماشوم سره داسې کړنه ترسره کړي ».

له دې امله سيکولر ديموکراتيک نظام  توانېدلی، چې په ټولنو کې د کډوالو پر وړاندې له خطر او کرکې څخه ډکې مفکورې دود کړي. په داسې حال کې، چې اسلام څوارلس سوه کاله وړاندې د دغه ډول ناوړو مفکورو رېښې ایستلي او دغه راز یې تر خپلې واکمنۍ لاندې په بې ساري توګه د مذهبي لږکیو له حقونو، عزت او ناموس څخه دفاع کړې. پخوانی ملا امام قرافي په خلافت دولت کې د ذمیانو په اړه وایې: «د ذمیانو په اړه د مسلمانانو مسولیت دا دې، چې د دوی کمزورتیا په پام کې ونیسي، د بې وزلو اړتیاوې یې پوره کړي، وږي یې ماړه کړي، جامې ورکړي، اخلاقي چلند ورسره وکړي او ان که د ګاونډي له لوري ضرر ور ورسېد، ویې زغمي. باید مسلمانان په رښتني توګه ورسره د ژوند په چارو کې مرسته وکړي او له هر هغه چا څخه یې وژغوري، چې شتمني یې لوټوي، حقونه یې تر پښو لاندې کوي، دوی او د دوی کورنۍ ته زیان اړوي.»

د حزب التحریر مرکزي مطبوعاتي دفتر لپاره

لیکواله: سوريا امال یسنا

۱۴۳۹هـ.ق، د ربیع الاول ۷مه

۲۰۱۷م، د نومبر ۲۵مه

ژباړن: افغان بادشاه


PDF Print Email
Views [ 880 ]
نظر
 
اسم : اسم تانرا داخل نمایید
ایمیل : ایمیل آدرس تان را داخل کنیدایمیل آدرس تان اشتباه است
نظر :  نظر تان را داخل نماییدتعداد حروف از اندازه تعیین شده زیاد است
کود : A value is required.Invalid Security code.
  8567343
همچنان ...
با سقوط خلافت، نیروهای مسلح مسلمان به جای دفاع از امت، حیثیت ابزار را برای کشتن آن‌ها بخودگرفته اند!
در شب دوم ماه اپریل، در اثر بمباردمان نیروهای هوایی افغان بر یک گردهمایی از علمای دینی، دانشآموزان و دیگر افراد در مدرسهی هاشمیه کندز، ولایت شمالی افغانستان، بیش از صد کشته برجای گذاشت، که بر اساس شوا...
د صليبي اشغالګرو او د هغوی د لاسپوڅو ترور او وحشت
خبر: د کندز ولايت د دشت ارچي ولسوالۍ پر هاشميه دارالعلوم باندې د دوشنبې د ورځې په هوايي بريدونو کې سلګونو عامو خلکو ته مرګژوبله اوښتې. د دشت ارچي ولسوال نصرالدين سعدي رسنيو ته پېښه تاييد کړې او ويلي ي...
سعودي مېرمنې د ريښتینې آزادۍ لپاره راشده خلافت ته اړتیا لري
هره مسلمانه مېرمن، چې د اسلام په ویاړلي تاریخ خبره وي، په دې پوهېږي، چې د اسلام د واکمنۍ پر مهال مسلمانې مېرمنې په سیاست کې د ګډون، د سوداګریزو چارو په تنظیم، په ټولنیزو فعالیتونو او په علمي برخه کې ل...
عراق؛ تر ۱۵ کلونو وروسته
پر عراق باندې د امریکا په مشرۍ اېتلاف د وحشیانه یرغل پنځلس کاله تېر شول. هغه وخت مو د بې ګناه نرانو، ښځو او ماشومانو د وژنې او هغوی ته د سپکاوي وحشتناک انځورونه د انټرنټ او نورو رسنیو له لارې لیدل. ښا...

موضوعات جدید ...

برادری در اسلام در آئینه‌ی سوره حجرات برادری در اسلام در آئینه‌...
سوره حجرات یکی از سوره‌های جالب قرآن است که پیام‌های بس آموزنده در باب روابط میان مؤم...
سفر محمد بن سلمان به انگلیس، امریکا و فر...
...
با سقوط خلافت، نیروهای مسلح مسلمان به جا...

نشرات جدید ...

ماهنامه تغییر - شماره هشتم
ماهنامه تغییر - شماره هشت...
ماهنامه تغییر - شماره هشتم ماهنامه تغییر به مسایل داغ سیاسی، فرهنگی و اجتماعی به سطح جهان و منطقه پرداخته و شما هم با استفاده از آن در نشر و بخش هر چه...
ځانګړی رپوټ: په سوریه کې د ترکیې نظامي م...
گزارش ویژه: بررسی مداخله نظامی ترکیه در ...
ماهنامه تغییر - شماره هفتم...
ماهنامه تغییر - شماره پنجم و ششم...

پر بیننده ترین ها ...

د خلافت په نشت کې به د سريلانکا مسلمانان تل د بودايي تندلارو له تاوتريخوالي څخه په وېره کې وي
د خلافت په نشت کې به د سر...
د مارچ پر ۶ مه، د سريلانکا حکومت په ټول هيواد کې د بودايي تندلارو له لوري د کنډي (Ka...
روایتِ دو دولت: کجاست دولت من؟...
خلافت نشنلېزم له منځه یووړ؛ راځئ نشنلېزم...
با سقوط خلافت، نیروهای مسلح مسلمان به جا...
د سعودي عربستان لخوا د اټومي وسلو هڅې د ...